Termine & News
Hier findest du das Neuste rund um den Volleyballclub Gommiswald!
Beachwuche Toscana Mai 2026
Rund 30 Persone vom Volleyballclub hend sich zum Saisonabschluss i de Toscana troffe. Trotz em eher durchzogene Wetter isch es e sehr e cooli und lustigi Wuche mit vielne schöne Moment gsi!
Neujahrs-Alass Februar 2026
De Neujahrs-Alass isch das Jahr vom Dame 1 organisiert worde. Mir hend es super cools und lustigs Mixed-Turnier gspielt. Mit viel Energie, Ehrgiez und Freud hend mir i 3er-Gruppe Pünkt bim Volleyball und bim Kegle gsammlet. Nach em spannende Namittag hemmer eus bimene super feine Znacht vom Martin verwöhne lah und de Tag gmüetlich usklinge lah.
Bäse-Usflug November 2025
De Bäse-Usflug, organisiert vom Dame 2, het eus das Jahr i e chli en ungwohnti Umgebig gführt. Mir hend euses Glück bim Padel probiert und eus bim Turnier «alli gege alli und alli mit allne» während zwei Stund richtig uspowert. Nacher hemmer no en feine Apéro zäme gnosse.
Trainingstag September 2025
Im September isch für eus de Trainingstag under de Leitig vom Sandro agstande, wo mir eus optimal hend chönne uf d’Saison vorbereite. Am Mittag hend mir eus vo de usefordernde Üebige chönne erhole und denn mit viel Energie und Freud in Spielnamittag starte. Im Aschluss hemmer de Tag bimene feine Znacht i de Alp Rittmarren gmüetlich usklinge lah.
Bäse-Usflug April 2025
Bäse-Usflug findet statt!
Nuch villne Johre Absänz, häts dä traditionell Vereinsalass endi April endli wieder mol is Johresprogramm gschafft. Super organisiert vom Damen 1 hämer zerst es witzigs, interessants und fairs Mixed-Turnierli gspillt. Aschlüssend simer im Waldlehrpfad vode Grillmeister Ste und Thomas mitere perfekt vorbereitete Gluet empfange worde, so dass die ganz Glanzleischtig vom Kulinarikteam hät chöne gnosse werde.
Vielä Dank am OK und em ganze Damen1 Team, für dä tolli Alass!